لكل عروسة بتجهز ادوات المطبخ اللي هتحتاجيها

لكل عروسة بتدور علي اللي ناقصها في ادوات المطبخ وكل عروسة خايفة تنسي ادوات المطبخ تعالي هنا هنقولك كل الادوات والاجهزة و كل اللي لازم تعرفية .


أدوات المطبخ:

الحلل:

طبعا في انواع كثير من الحلل بس هنقولك افضلهم و الموجود وانتي اختاري بقا .
الحلل الاستانلس ودا افضل انواع الحلل ولا غني عنها في السلق اختاري نوع كويس ونضيف وافضل حاجه التركي وزهران وكل ما الحلة كانت تقيلة كانت احسن .
الحلل الالمونيوم اختلفوا عليه في كتير بيقولوا لا غني عنه وفي بيقولوا انه ضار وانواعه كتيرة جدا .
الحلل التيفال هو كويس ومش بيساعد علي ان الاكل يلزق بس في ناس بتقول انه ضار وبيقشر بسرعة .
الحلل الجرانيت و السيراميك  الاتنين قربين من بعض واحسن من التيفال مش بيلزق ولا بيقشر ومفيد اي كلام علي اضرارهم واحد منهم يغني عن التاني .

في حلل صاج وصاج تيفال كمان بس كل دا ملوش لزمة ممكن تجيبي استانلس وسيراميك او جرانيت ومعاه تيفال او المونيوم بس .
وطبعا مش ملزم تجيبي كل الانواع تقدري تجيبي حسب احتياجاتك و مقدرتك انتي اختاري الافضل وهاتية اطقم كاملة او حلل فرداني بس يكون عندك جميع الاحجام و الاستانلس الافضل تجيبي طقم عشان لو انتي وجوزك لوحدكم او عزومه تقدري تسلقي في اي حجم .
في حلل كبيرة للسلق وحلة الضغط حسب امكانياتك وحلة التحمير للبطاطس  .

الصواني:


طبعا الصواني من الحاجات التي لا غني عنها في اي مطبخ وانواعها كتير يلا نعرف كل حاجه عنها .
الصواني انوعها كتير و اشكالها كتير صواني مدور ومستطيل صواني بيتزا وصواني فرن وفي منها تيفال وبيركس والمونيوم وستالس وبورسلين .
افضل انواع الصواني هو الالمونيوم في الاستخدام صواني البيتزاالرفيعة والفرن الطويلة واحجمها كتير هتحتاج من صواني الفرن وصواني البيتزا والمستطيل وصواني كيك اشكال وقوالب كب كيك ممكن تجيبي منهم المونيوم ولو عايزة تجيبي انواع تانية .
صواني التقديم للمطبخ هتحتاجي صواني ملامين وصواني شيك للضيوف استانلس

الطاسات :


الطاسات من الحاجات المهمة برضوا وفي منها تيفال والمونيوم وسيراميك هتحتاجيها في التحمير وعمل البيض والفول وغيره ممكن تجيبي طقم تيفال ثلاث قطع وطاسات صغيرة للبيض  وممكن تجيبي طاسة المونيوم كبيرة للتحمير.

 الاطباق:



هتحتاجي اطقم اطباق للمطبخ غيراطقم النيش اطقم الملامين في المطبخ جميل جدا في الاستخدام بس نوع نضيف ومش بيتأثر بالحرارة دا ممكن لاستخدامك اليومي هتحتاجي طقم تاني للضيوف ممكن تجيبي بيركس او اركوبال او طقم العشا .


وفي مصافي المكرونة الاستانلس وصواني العشا و الفوالة والكسرولة واللبانة وبراد الشاي .

ولمعرفة المزيد عن ادوات المطبخ و الاجهزة الكهربائية و النيش والرفايع والملابس الشتوي وملابس العروسة لانجري  وملابس الصيفي زوروا موقعنا لكي انتي .

تعليقات



    حجم الخط
    +
    16
    -
    تباعد السطور
    +
    2
    -